KITNE AJAB TAMAASHE HAIN IS DHOOP-CHHAANV KE

TANHAAYIYON MEN KAR LIYA MAIN NE SUKUN TALAASH

HAR SHAY YAHAAN MERE LIYE IK ANJUMAN SI HAI

MUJHKO BHI IK KHULA HUA MAIDAAN CHAAHIYE

KAMRE MEN APNE KHELTA HUN GEND SE AGAR

KHATRA HAI KITNI CHEEZEN YAHAAN TOOT JAAYENGI

KITNE MASAAYEL GHAUR-TALAB HAIN, KIS-KIS KE HAL DHOONDHUN MAIN

MAQSAD KO RAKH KE SAAMNE HAR SHAY BANI ZAROOR

PHIR BHI HAIN USKE AUR BHI MASRAF NAYE-NAYE

HAM ITNE TAJASSUS SE N DEKHEN TO KAREN KYA

KYAA KHOOB BAATEN KARTA HAI HAR SHAKHS AAJKAL

TAQREER HAI KUCHH AUR TO KUCHH AUR HAI AMAL

KUCHH N KUCHH KOSHISH TO KARNA CHAAHIYE

ILM KE AADAAB HAIN LAUH-O-QALAM

ILM SE RAUSHAN HAI DUNIYA-E-KARAM

HAR SHAY KA IS JEHAAN MEN HAI MAQSAD-E-VUJOOD

GHAUR-O-KHAUZ KARNE SE, RAASTE NIKALTE HAIN

YAANI AQL-O-DAANISH KE, SILSILE NIKALTE HAIN

ZINDAGI MEN SIRF JISMAANI SEHAT KAAFI NAHIN

HAUSLA HO, SHAUQ HO, UMMEED HO, IMKAAN HO

FIKR MEN HO TAAZGI, BAALIGH-NAZAR EIMAAN HO

VUS'ATEN HON QALB MEN, BEDAAR HO ZEHN-O-SHA'OOR

KAASH INSAAN KI SEHAT KA YE SAR-O-SAAMAAN HO

BHEJE HAIN USNE KITANI HIFAAZAT SE KAAGHZAAT

IN DASTAAVEZON MEN VO TAHREEREN HAIN

JINKI TASHREEHEN KARNA NAAMUMKIN HAI

BARAAHE-RAAST SAMANDAR SE HAM-KALAAM HUN MAIN

BEHR-O-BAR HAIN EK MARKAZ PAR YAHAAN

ZINDAGI KE SAB DAREECHE HAIN KHULE

SHAHSWAARI MEN HAI POSHEEDA SHUJAA'AT KA BHARAM

RAFTAAR TEZGAAM HAI BAATEN HAWAA SE HAIN

LAB CHOOMNE KO PAANV ZAMEENON KE PYAASE HAIN

CHEHRE PE HAI HIJAAB BHI, CHEHRA KHULAA BHI HAI

MERA YE ANDAAZ BHI TO DEKHIYE

PADH RAHA HUN MAIN ZAMAANE KI RAVISH

KHUSH-SALEEQA N HO INSAAN TO KYA LUTF-E-HAYAAT

ROOMAAL SAAF-SUTHRA HO ACHCHHA LIBAAS HO

TEHZEEB KI NAFAASATON KA KUCHH TO PAAS HO

KARTA HUN KHILAUNON KO DEEWAAR PE AAWEZAAN

ZEHN MEN HOTA HAI TAKHLEEQ KI TEHREEK KA BEEJ

AUR TASHKEEL US IJMAAL KI TAFSEEL MEN HAI

KARTA HUN MAIN TAMAAM MASAAYEL KE HAL TALAASH

AQLE-INSAAN SE NAHIN KUCHH BHI B'YIED

RAAHEN KAISI BHI HON HO JAATI HAIN SAAF

KARTA HUN YAAD GINTIYAAN SAB KHEL-KHEL MEN

IN DAAYERON KI TARH HAI HAR SHAKHS KI HAYAAT

MARKAZ SE HAI QAREEB BHI MARKAZ SE DOOR BHI

FEETE SE NAAP SAKTE NAHIN ZINDAGI KABHI

HAR SHAY KAA TOOL-O-ARZ BATAANA MUHAAL HAI

NAFSE-BASHAR AZAL SE ABAD TAK TAWEEL HAI

MUKAMMAL FALSAFAA HAI DEKHIYE IS KHEL MEN SHAAMIL

PAANI MEN JAAN PAD GAYI INSAAN KI PHOONK SE

UDNE LAGA HAVA MEN VO GHUBBARE KII TARAH

KYA-KYA MAZE KI CHEEZEN BANAATA HAI YE BASHAR

ZAHNE-INSAAN KA KAMAAL HAI YE

JAISI CHAAHE KARE KASHISH PAIDA

TAAR-SE-TAAR JUDE HON TO FIZA HO RAUSHAN

RAKHTA HAI APNE PAAS VO IS ZINDAGI KAA TAAR

JAB CHAAHE JODE, JEE MEN JAB AAYE ALAG KARE

MAIN KAR RAHAA HUN FARSH SE GARD-O-GHUBAAR SAAF

NUQSAAN-DEH BAHOT HAIN YE ZARRAAT DHOOL KE

INSAAN KUCHH TO APNI SEHAT KA KARE KHAYAAL

AZEEZ RAKHTA HAI INSAAN FIZA SAMANDAR KI

BANAA KE SAAHILON PAR KHOOBROO RIHAAYISH GAAH

SAMANDARON KII FIZAAON MEN RAH RAHE HAIN LOG

US JAANIB BHI KOYI DILKASH MANZAR HOGA

HIJAAB HO TO HAI LAAZIM KE ISHTIYAAQ BHI HO

MUJHE HAI DEKHNA AAKHIR HAI KYA PASE-PARDAA

YE SHIMLA-MIRCH BHI KIS DARJA KHOOBSOORAT HAI

UGAA RAHA HAI ZAMEEN SE VO NEMATEN KYA-KYA

JAMAAIYAAT KA INSAAN KE IMTEHAAN HAI YE

ACHCHHI TARAH MAIN JAANTA HUN APNE RAASTE

LE JAA RAHE HAIN AAP MERA HAATH THAAM KAR

MAIN KIS TARAH KAHUN KE MUJHE CHHOD DEEJIYE

YE APNE-APNE TAREEQE HAIN LUTF UTHAANE KE

ZAAYEQAA AISA NAHIN KHAAS KE MAIN ZIKR KARUN

HAAN MERI TARH SE KHUSH RAHIYE TO LAZZAT HAI BAHOT

BHALI-BHALI SI HAI LAGTI SAMANDARON KI YE RET

N AATA LUTF GAR ISMEN ANOKHAA

MAIN SAAHIL PAR CHEHAL-QADMI N KARTA

MUJHKO TO APNE GHAR KI SAFAAYI KA HAI KHAYAAL

SCHOOL KAL GAYA THA MAIN CHEETE KI SHAKL MEN
CHEETA HAMAARI SHAKL MEN AAYA NAHIN KABHI

KIS ZAAVIYE SE DEKHUN TUJHE ZINDAGI MAIN AAJ

KHUSH HUN KE ZINDAGI KE HAZAARON HAIN ZAAVIYE

JIS RUKH SE DEKHTA HUN KASHISH BE-PANAAH HAI

TALAASHE-NAAKHUDA MEN WAQT MAIN ZAAYA NAHIN KARTA

TAAKHEER HO RAHI HAI BAHOT AAYIYE JANAAB

LAMBE SAFAR PE AAJ NIKALNE KA HAI KHAYAAL

MUHABBATON KE YE ANDAAZ ACHCHHE LAGTE HAIN

HAT PAHNAAYI HAI MUJHKO SHAAN SE

KYA KAROON MAIN ARZ DAADA JAAN SE

YE ISHTEHAAR TO PAHLE BHI MAIN NE DEKHA THAA

BAAZAAR KE TAREEQE HAIN JAAZIB-NAZR BAHOT

JAISE SHAJAR QATAAR MEN HON BE-SAMAR BAHOT

SAR TIKAANE KI BHI AB FURSAT NAHIN

KHAALI KOI BHI LAMHA NAHIN USKI FIKR SE

DASTAK HAMESHA SUNTA HUN MAIN USKI ZEHN PAR

SAB APNE-APNE MASAAYEL MEN KHOYE RAHTE HAIN

MERE QAREEB THA VO AUR BE-KHABAR THA MAIN

KE MUJHKO APNI HI FIKRON NE GHER RAKKHA THA

PHOONKI JO ROOH MAAYELE-PARWAAZ HO GAYA

KHAALIQ NE ROOH PHOONKI THI AADAM KE JISM MEN
PARWAAZ KAR KE JIS SE VO AAYE ZAMEEN PAR

MAIN NE JO ROOH PHOONKI HAI GHUBBAARE MEN YAHAAN

JAYEGA SEEDHE-SEEDHE YE ARSHE-BAREEN PAR

MAAYEL ZARAA HUA THA MAIN TAKNEEK KI TARAF

YAHREEKE-FIKRE-NAU SE HUA PAIDA INHEMAAK

VARNA BASHAR BHI HOTA MUSALSAL JUMOOD MEN

KYAA MAZE KII BAAT KI HAI AAP NE

DOOSRON KO DEKH KAR KHUSH MAIN BHI HO JAATA HUN KHUSH

GUFTUGU KHUSHRANG HO TO YE FIZA KHUSHRANG HAI

KABHI-KABHI TO SHARAARAT BHI SOOJHTI HAI MUJHE

MAIN SOCHTA HUN KOI AISA KAAM KAR DAALUN

KE DEKH KAR JISE HO JAAYEN SAB KHAFAA MUJHSE

HAIRAT HAI MERI BAAT VSAMAJHTE HI NAHIN LOG

MERA MAQSAD VO N THA HARGIZ JO SAMJHA AAPNE

MERI CHHOTI-CHHOTI KHUSHIYAAN HI MUJHE DARKAAR HAIN

JAA RAHAA HUN MAIN ZAROORI KAAM SE

YAAD HAI MUJHKO NASEEHAT AAPKI

MUT'M'YIN RAHIYE MAIN RAKKHUNGA KHAYAAL

HAMAARI DUNIYA MEN SAB HAM-KHAYAAL HOTE HAIN

BACHPAN HAREK SHAKHS KO BEHAD AZEEZ HAI

LEKIN KABHI VO USKI TARAF LAUTATAA NAHIN

MAANA KE HOSHIYAAR HO, PAR NAASAMAJH HO TUM

JO HAR QADAM PE SAHAARE TALAASH KARTE HAIN

VO RAAHE-ZEEST MEN KIS TARH GAAMZAN HONGE

SAMANDARON SE BAHOT KUCHH MAIN SEEKH SAKTA HUN

SAFAR KASHTI SE KARNA HAI NAHIN AASAAN SAMANDAR MEN

KE ISKI VUS'ATEN SAMTON KII AAWAAZEN NAHIN SUNTEEN

ZAMEEN PE BIKHRI HAIN KITNI HAQEEQATEN HAR SOO

RAUZANE-KHWAAB SE AATI HAI BADAN KI KHUSHBOO
HAI YAQEENAN YE USI GHUNCHA-DAHAN KI KHUSHBOO

BALANDIYON PE PAHONCHNA BAHOT ZAROORI HAI

BALANDIYON KI TARAF HO JO MAAYELE-PARVAAZ

SUNEGA KAISE BHALA PASTIYON KI VO AAWAAZ

KABHI HAMAARI NAZAR SE BHI DEKHIYE DUNIYA

CHAMAK HAI AANKHON MEN, LAB PAR TABASSUMON KAA HUJOOM

MERE KHAYAALON MEN KYA HAI, KISI KO KYA MAALOOM

ALLAMAL-ILM-BIL-QALAM KYAA KHOOB

ILM KAA RISHTA QALAM SE HAI QADEEM

KAAYNAATE-ILM HAI BEHAD AZEEM

HOTE HAIN DUNIYA MEN JO AHLE-QALAM

ILM RAKHTA HAI UNHEN APNA NADEEM

MAAWARAAYI QOOWATEN QUDRAT MEN HAIN

KAARNAAME JAB NAZAR AATE HAIN MAAFAUQ-AL-BASHAR

PAIKARE-HARAT SARAAPA KYON N HON AHLE-NAZR